لخابيط لخبوط

لخبوط فى المدرسة

بقلم / أحمد أبو المحاسن

تعالوا نشوف الحوار الساخر للخبوط مع مدرسه وناظر المدرسة ايه اللى تم فيه .... بس فيه حاجة لخبوط اتفاجىء إنه...

المعلم : غير صيغة الفعل من المضارع للماضي .

لخبوط: خلاص الماضي ودعته .. محيت ذكراه من بالي انا من باعني بعته .... ولا أخليه يجي فى طريقى تانى

المعلم : أنت فاكر دمك خفيف ، أنت عاوز تعلمني الهيافة بتاعتك ... ؟!!لخبوط : حاجات علمتهالك ... وحاجات نولتهالك ... وحاجات عيشتهالك ...... أيام مكنتي معايا .... بريئة بتحلمي ......!!

المعلم : الله يخرب بيتك أنتي فاكرني بنت يا مسطول ...... اعتذر وتوب قبل ما أرميك من الشباك

لخبوط : وأنا كل ما قول التوبة يا بوي ترميني المقادير ياعين .... !! المعلم : انا رايح أجيب الناظر يتفاهم معاك ، وحتشوف لما يجي حيعمل فيك ايه لخبوط : الغضب الساطع آت ... من كل مكان آت .... !!

المعلم : هزر زي ما أنت عاوز وحنشوف تعمل معاه ايه ... !!

حضر الناظر مع المعلم وسال الناظر لخبوط الناظر : أنت إيه حكايتك مع المدرس .. ؟!!

لخبوط : توادعنا انا وإياه ... لكن ما توادعنا .

الناظر : أنت يا ابني بالع راديو والا شريط .... مالك كده مش على بعضك ..؟!!أنت ما نمتش امبارح ... ؟!!

لخبوط : نسيت النوم وأحلامه ... نسيت لياليه وأيامه .....!!

الناظر : إطلع بره وخليني أشوف أبوك بكره ياللى مش متربي

لخبوط وهو خارج من الفصل : يجيلك يوم تندم على اللى عملته معايا ... وأقول منك لله وكفاية عليك اللى شفته معايا .. !!
هههههههههههههههههه

المعلم للناظر : الطلاب اللي زي دول بتعمل معاهم إيه .......؟!!

الناظر: وهو يتمايل ويتراقص ..... أطبطب.... وأدلع
ويستيقظ لخبوط من نومه وهو يقول ... اللهم إجعله خير

لخابيط لخبوط

أهو دا مدير .... ودا مدير

بقلم / أحمد أبو المحاسن

أهو دا مدير ...... ودا مدير

المدير الغربي : يسعى لتثبيت قدم الشركة

المدير العربي : يسعى لتثبيت قدمه في الشرك

المدير الغربي : يحترم آدمية الموظف

المدير العربي : لا يعرف معنى آدمية

المدير الغربي : يبدأ كلامه بجملة( أنا اعتقد)

المدير العربي : يبدأ كلامه بجملة (أنا قررت)

المدير الغربي : تتفانى في العمل يرقيك

المدير العربي : تتفانى في مدحه يرقيك

المدير الغربي : يضع لك خطة تتناسب مع قدراتك

المدير العربي : يضع لك خطة تتناسب مع خياله

المدير الغربي : يثق فيك

المدير العربي : يثق في نفسه

المدير الغربي : يتحدث معك بصراحة

المدير العربي : يتحدث معك بوقاحة

المدير الغربي : مسموح لك أن تشكيه

المدير العربي : مسموح لك أن تمدح فيه

المدير الغربي : يناقشك إذا طلبت الاستقالة

المدير العربي : يدفعك إلى الاستقالة

المدير الغربي : يعاملك حسب حالتك النفسية

المدير العربي : يعاملك حسب حالته المزاجية

المدير الغربي : يقول لك ( Good Morning )

المدير العربي : يقول لك ( ليه متأخر... ؟ )

المدير الغربي : يفضل أن يمدحك أمام الآخرين

المدير العربي : يفضل أن تمدحه أمام الآخرين

المدير الغربي : يوم حلو .. يوم مر

المدير العربي : يوم مر .. يوم أمر

المدير الغربي : يراقبك

المدير العربي : يتجسس عليك

المدير الغربي : يطور أفكارك وينسبها لك

المدير العربي : يسرق أفكارك وينسبها لنفسه

المدير الغربي : تطلب منه إجازة

المدير العربي : تترجى منه إجازة

المدير الغربي : يهنئك بالعيد

المدير العربي : يطلب منك العمل في العيد

المدير الغربي : يرى مستقبلك واعد

المدير العربي : يرى مستقبلك في أيده

المدير الغربي : يمسك أعصابه إذا اختلفت معه

المدير العربي : يمسكك في رقبتك لو فكرت في الاختلاف

المدير الغربي : ينتظر سماع رأيك في العمل

المدير العربي : ينتظر سماع رأيك فيه

المدير الغربي : يثير أفكارك

المدير العربي : يثير أعصابك

المدير الغربي : يناقشك بالصوت

المدير العربي : يناقشك بالسوط

المدير الغربي : يريدك أن تقول(أنا اقترح )

المدير العربي : يريدك أن تقول( أنا أؤيد)

المدير الغربي : بيجيب مكاسب من أجلك

المدير العربي : بيجيب أجلك

المدير الغربي : كلمته زيي السيف

المدير العربي : كلمته زيي الزفت

المدير الغربي : يعاملك باللتي هي أحسن

المدير العربي : يعاملك باللتي هي في رجله

المدير الغربي : لن يقرأ هذا الموضوع

المدير العربي : يقرأ هذا الموضوع ويفصلني